Lögreglustjórinn á Suðurnesjum, Sigríður Björk Guðjónsdóttir, hafnar alfarið frasögn lögmannsins Sveins Andra Sveinssonar í hádegisfréttum Bylgjunnar í dag á handtöku manns sem grunaður er um að tengjast mannsalsmálinu svokallaða. Sigríður segir í yfirlýsingu að lögreglan hafi haft að leiðarljósi í aðgerðum sínum að ganga ekki harðar fram en þörf er á við framkvæmd starfa sinn og gætir þess sérstaklega þegar börn eiga í hlut á vettvangi.

„Í þessu tilviki fóru fimm óeinkennisklæddir lögreglumenn að húsinu og þar utandyra hittu þeir eiginkonu grunaða ásamt tveimur börnum hennar. Lögreglan kynnti konunni fyrirhugaðar aðgerðir. Konan fékk að hringja í móður sína og síðan í vinkonu sína sem hún bað um að sækja börnin. Eldra barnið, telpa, fór á brott með vinkonu sinni og var það með vitund og vilja móðurinnar,“ segir í yfirlýsingu frá Sigríði Björk.

Hún segir eiginmann konunnar hafa verið mjög æstan og dónalegan við lögregluna er hann kom heimog sýndi þá hegðun að syni sínum ásjáandi. „Maðurinn var síðan handtekinn í húsinu vegna hegðunar sinnar og færður í handjárn. Hvorugt barnið varð vitni að þeirri aðgerð né þegar maðurinn var fluttur á brott af heimilinu af tveimur einkennisklæddum lögreglumönnum. Kona kom á vettvang og tók drenginn á brott með sér að ósk móðurinnar. Húsleit var gerð á heimilinu að konunni og lögmanni viðstöddum,“ segir í yfirlýsingu frá Sigríði Björk.

Sigríður Björk segir eiginkonuna hafa verið ósamvinnuþýða meðan á aðgerðinni stóð og neitaði að gefa upplýsingar sem óskað var eftir. „Ákveðið var að handtaka hana og færa til yfirheyrslu. Engri valdbeitingu var beitt við handtöku konunnar og var hún færð í fangageymslu eftir að húsleit lauk en aðgerðin stóð í um 4 klukkustundir,“ segir í yfirlýsingu frá Sigríði Björk.

Að því er fram kemur á fréttavef Vísis sagði Sveinn Andri í hádegisfréttum Bylgjunnar að konan sé í miklu áfall og ekki verði við það unað hvaða meðferð hún fékk. Sveinn Andri sagði 30 lögreglumenn í skotheldum vestum hafa ruðst inn á heimili hjónanna og tvö börn hafi fylgst með. Hann fór fram á opinberlegri afsökunarbeiðni vegna vegna aðgerða lögreglu.