Hvalfjarðargöng verða lokuð næstu þrjár nætur frá miðnætti til klukkan sex að morgni vegna reglubundina viðhaldsframkvæmda og hreinsana. Meðal annars verða ljós hreinsuð og skipt um bolta í festingum dúks sem farinn er að leka. Auk þessa verður fræst í miðlínu þannig að bílstjórar heyri þegar þeir aka inn á rangan vegarhelming, líkt og er á veginum á Kjalarnesi.