Húðlatur bréfberi var svo lengi að bera út póstinn til íbúa í Rzedziny í Pólandi að sumir viðtakenda póstsins voru látnir er pósturinn barst að lokum til þeirra frá bréfberanum lata. Þegar íbúi þorpsins ákvað að rannsaka hverni stæði á því að pósturinn kæmi aldrei til sín varð honum brugðið við að uppggvöta að þorpspóstkassinn hafði ekki verið tæmdur í fimm ár.

Íbúinn komst einnig að því að bréfberinn hafði ekki haft fyrir því að bera út póstinn til íbúa sem búa rétt fyrir utan þorpið og henti því í staðinn póstinum í geymslurými pósthússins.

Þegar bréfberinn var yfirheyrður vegna málsins sagðist hann ekki bera sök á því. „Þetta er ekki mín sök. Fyrst var ég í fríi. Síðar týndi sumarstarfsmaður lyklinum að póstkassa bæjarins. Ég tilkynnti það en enginn gerði neitt. Einnig var ég veikur um tíma,“ sagði bréfberinn.