Einum af Íslendingunum, sem úrskurðaðir voru í gæsluvarðhald í tengslum við mansalsmálið á Suðurnesjum, hefur verið sleppt úr haldi að því er fram kemur á Vísi nú fyrir stundu.

Mennirnir voru úrskurðaðir í gæsluvarðhald á miðvikudaginn eftir að hafa verið handteknir í aðgerðum lögreglunnar á þriðjudaginn var. Þeir kærðu allir úrskurðinn til Hæstaréttar sem staðfesti gæsluvarðhaldsúrskurð yfir tveimur mannanna í dag en felldi hann úr gildi yfir þeim þriðja að því er segir á Vísi.

Sem fyrr sæta fimm Litháar gæsluvarðhalds í þágu málsins.