Hæstiréttur þyngdi í dag dóm Héraðsdóms Reykjaness yfir karlmanni, sem misnotaði barnunga dóttur sína, um þrjú ár. Dæmdi Hæstiréttur manninn í fimm ára fangelsi fyrir að hafa í mörg skipti nauðgað dóttur sinni sem var tveggja og þriggja ára þegar brotin voru framin. Þá var honum ert að greiða 1,5 milljónir króna í miskabætur til telpunnar.

Brot mannsins gegn dóttur sinni áttu sér stað frá september 2007 til nóvember 2008. Fram kemur í dómnum að brot hans hafi verið ítrekuð, alvarleg og til þess fallin að hafa mikil og varanleg áhrif á telpuna.

Það var ríkissaksóknari sem skaut málinu til Hæstaréttar þann 6. mars síðastliðinn og krafðist þess að héraðsdómur yfir manninum yrði staðfestur en refsing hans þyngd.