Lögreglan á Suðurnesjum óskar eftir upplýsingum um mennina á meðfylgjandi myndum en myndirnar tengjast rannsókn á ætluðu mansali. Þeir sem telja sig þekkja mennina eða geta gefið einhverjar upplýsingar um þá eru beðnir að hafa samband við Lögregluna á Suðurnesjum, s. 420 1800, eða við næstu lögreglustöð.

Jafnframt lýsir Lögreglan á Suðurnesjum eftir 26 ára litháískum manni, Deividas Sarapinas, vegna rannsóknar sama máls.

Lögreglan á Suðurnesjum vinnur að rannsókn málsins af fullum þunga en gefur ekki frekari upplýsingar um málið að svo stöddu.

Þrír Litháar hafa verið úrskurðaðir í gæsluvarðhald í tengslum við rannsókn á komu konu einnar hingað til lands í síðustu viku. Leitað var að fjórða manninum en varð niðurstaðan sú að hann sé að öllum líkindum flúinn land.