Mennirnir, sem lögreglan á Suðurnesjum lýsti eftir í dag hafa allir gefið sig fram við lögreglu. Þeir eru grunaðir um að tengjast mansalsmáli sem lögreglan rannsakar.

Lögreglan á Suðurnesjum vinnur að rannsókn málsins af fullum þunga en gefur ekki frekari upplýsingar um málið að svo stöddu.

Þrír Litháar hafa verið úrskurðaðir í gæsluvarðhald í tengslum við rannsókn á komu konu einnar hingað til lands í síðustu viku. Leitað var að fjórða manninum en varð niðurstaðan sú að hann sé að öllum líkindum flúinn land.