Þetta er fyrsta myndin af Jaycee Lee Dugard sem var tekin af henni sem fullorðinni manneskju eftir að henni var sleppt af mannræningja sem hafði haldið henni í átján ár og eignaðist með henni tvö börn.
Myndin birtist á forsíðu tímaritsins America´s people og birtist fyrr í dag á vefsíðu tímaritsins.

Myndin sýnir fullorðna Jaycee, nú 29 ára, brosandi beint framan í myndavélina. Það eru engin sjáanleg ummerki á henni um áfall eftir átján ára verunni hjá mannræningjanum Phillip Gardino sem gerði Jaycee að kynlífsþræl og eignaðist með henni tvö börn.

Jaycee segist vera ótrúlega ánægð að vera aftur í faðmi fjölskyldu sinnar og ekkert sé mikilvægara fyrir hana í dag en skilyrðislaus ást frá þeim og umhyggja.

Dætur hennar eru ellefu og fimmtán ára gamlar og er sagt að þær átti sig ekki enn fullkomlega á því hvað hafði komið fyrir móður þeirra og hvað hún mátti þola á þeim tíma sem hún var í prísundinni.

Jaycee er sögð ætla að vitna gegn Gardino og sé fullkomlega undirbúin til að gera það sem þarf til að koma Gardino á bak við lás og slá.