Björn Bjarnason, fráfarandi dómsmálaráðherra, fjallar um framboð frænda síns, Bjarna Benediktssonar, á heimsíðu sinni í dag og efast um að Bjarni sé Evrópusinni svo sem haldið er víða fram. Ráðherrann gerir afstöðu Egils Helgasonar sjónvarpsmanns að umtalsefni og telur að hann glími við fíkn.
,,Bjarni Benediktsson lýsti yfir framboði til formennsku í Sjálfstæðisflokknum í samtali við sjónvarpið í kvöld. Skrýtið er að sjá Egil Helgason segja á vefsíðu sinni, að Bjarni vilji Ísland í Evrópusambandið. Þetta stenst ekki. Bjarni hefur hins vegar oft vakið máls á því, að finna þurfi niðurstöðu í Evrópumálum, þar sem tekið sé af skarið á þann veg, að þau þvælist ekki fyrir úrlausn annarra brýnni mála. Það er verkefni væntanlegs landsfundar að leiða málið til lykta innan Sjálfstæðisflokksins.
Fyrir Evrópufíkla eins og Egil nægir að heyra orðið aðildarviðræður til að þeir haldi, að aðild sé á dagskrá," bloggar Björn: