Þrjátíuþúsundasti Kópavogsbúinn leit dagsins ljós þegar Jóhannesi Kr. Kristjánssyni, fyrrverandi fréttamanni á Stöð 2, og Brynju Gísladóttur fæddist sonur 10 janúar síðast liðinn.

Gunnar I. Birgisson bæjarstjóri og Ómar Stefánsson, formaður bæjarráðs, heimsóttu fjölskylduna í dag og gáfu honum 30 þúsund krónur í tannfé, eða eina krónu á hvern íbúa, og skjal og smekk til vitnis um að hann sé þrjátíuþúsundasti íbúinn í Kópavogi.