„Mér finnst ekki koma til greina að veita stjórnarmyndunarumboðið í kvöld,“ segir Ólafur Ragnar Grímsson, forseti Íslands. Hann fundar með forystumönnum allra þingflokka í kvöld og segir nauðsynlegt að ræða við þá alla áður en umboðið verður veitt.

Ingibjörg Sólrún Gísladóttir, formaður Samfylkingarinnar, kemur á fund Ólafs klukkan sex og mætir nýr formaður þingflokks á hans fund þar til klukkan níu þegar sá síðasti, Guðjón Arnar Kristjánsson, formaður Frjálslynda flokksins, fundar með forsetanum. Því má búast við að fundir standi til klukkan tíu í kvöld.

Ólafur segir að þegar þessum fundum lýkur geti verið að hann kalli formenn aftur á sinn fund en búast má við að stjórnarmyndunarumboð verði veitt á morgun.