Ingibjörg Sólrún Gísladóttir, formaður Samfylkingarinnar, ræddi ekki við blaðamenn þegar hún kom á Bessastaði rétt í þessu til að funda með Ólafi Ragnari Grímssyni, forseta Íslands.

Ólafur Ragnar hyggst funda með formönnum allra þingflokkanna í kvöld. Næst mætir Steingrímur J. Sigfússson, formaður Vinstri hreyfingarinnar græns framboðs, á Bessastaði klukkan sjö.

Ólafur Ragnar hefur gefið út að hann ætli ekki að ræða við blaðamenn að fundunum loknum og útilokar hann ekki að boða formennina aftur á fund sinn á morgun.

Hann vonast til að þeir geti komið sér saman um myndun nýrrar ríkisstjórnar og má fastlega reikna með því að hann veiti stjórnarmyndunarumboð á morgun.