Geir H. Haarde mætti rétt í þessu á Bessastaði þar sem hann ætlar að biðja Ólaf Ragnar Grímsson, forseta Íslands, lausnar fyrir sjálfan sig og ráðuneyti sitt.

Þingrofsvaldið er í höndum Geirs og getur hann því farið fram á að þing verði rofið og boðað til kosninga. Þannig getur Geir komið í veg fyrir að minnihlutastjórn verði mynduð án Sjálfstæðisflokksins.

Hvorki Geir né Ólafur ræddu við blaðamenn áður en fundurinn hófst en samkvæmt blaðamanni DV sem er á staðnum voru þeir báðir nokkuð brosmildir. Ekki er búist við að fundurinn verði langur.