Bjarni Ármannsson keypti íbúð og málverk af Glitni eftir starfslok. Eftir að bankinn hrundi bauð Bjarni bankanum að láta kaupin ganga til baka á sama matsverði og hann keypti á. Það er ekki stefna Nýja Glitnis að stunda kaup á málverkum og afþakkaði bankinn því boð Bjarna.

Þegar Bjarni lét af störfum sem forstjóri Glitnis fékk hann starfslokasamning upp á hundruð milljóna króna. Eftir að Bjarni hætti komst hann að samkomulagi við stjórn bankans um kaup á íbúð á Akureyri og nokkrum málverkum úr myndarlegu málverkasafni bankans. Málverkin voru sérstaklega metin af listsérfræðingi áður en Bjarni keypti þau.