Kosningar verða eftir 107 daga, nái hugmyndir Sjálfstæðisflokksins fram að ganga um að kosið verði til Alþingis þann 9. maí næstkomandi. Til að setja þann tíma í samhengi má benda á að í dag eru 109 dagar síðan Glitnir féll og bankahrunið hófst, en það var þann 6. október í fyrra.

Fái þessar tillögur brautargengi hjá Samfylkingunni liggur fyrir að ríkisstjórnarflokkarnir tveir mun sitja við völd annan eins tíma og liðinn er frá bankahruninu.

Þann 24. nóvembr felldi þingheimur vantrauststillögu stjórnarandstöðuflokkanna. Hún var tekin fyrir 49 dögum eftir hrunið.
Samkvæmt könnun MMR, sem birt var í gær, mælist samanlagt fylgi ríkisstjórnarflokkanna nú í fyrsta skipti á kjörtímabilinu undir helmingi, eða 41 prósent.