Strákastelpuútlit verður í tísku í haust og hippalegar lambagærur hljóta uppreisn æru. Þetta segja tískumógúlar tímaritsins Nýs lífs.

Laufin falla og haustlitirnir verða allsráðandi í náttúrunni. Það kólnar og fólk setur sig í nýjar og hlýjar stellingar. Framundan eru spennandi tímar og hausttískan er þar engin undantekning.
Sveitarómantíkin er áberandi með reiðjökkum og háum stígvélum. Strákastelpu-útlitið heldur áfram og lambagæra hippatímans fær uppreisn æru. Ítarleg samantekt yfir helstu trend vetrarins og er að finna í nýjasta tölublaði tímaritsins Nýtt Líf, sem kom út á fimmtudaginn. Þar er einnig túlkun þeirra Agnieszka Baranowska og Veru Pálsdóttur á vetrartískunni einstökum í tískuþætti. En þess má geta að báðar hafa þær getið sér gott orð víða um heim og ekki síst í París, Agnieszka Baranowska sem stílisti og Vera Pálsdóttir sem ljósmyndari.