Lögreglan á Sauðárkróki stöðvaði í gær karlmann á fertugsaldri sem ók á rúmlega 140 kílómetra hraða í Norðurárdal. Samkvæmt upplýsingum frá lögreglunni hefur það færst í vöxt að ökumenn stígi þyngra til jarðar með hægri fætinum á vegkaflanum um Norðurárdal eftir að nýr vegar var lagður þar fyrir skömmu.

Ökumaðurinn heldur þó prófinu, þar sem sviptingarhraði á þjóðvegum er í kringum 150 kílómetrar á klukkustund. Hann þarf hins vegar að reiða fram 90 þúsund krónur í sekt fyrir ofsaaksturinn.