Sex manns létu lífið þegar hinn 28 ára gamli Isaac Zamora, hóf að skjóta vegfarendur í íbúðahverfi smábænum Alger í Washington-fylki í Bandaríkjunum.

Móðir árásarmannsins hefur sagt son sinn alvarlega veikan og hún hafi lengi reynt að fá hjálp fyrir hann. Zamora hefur nýlokið sex mánaða fangelsisvist eftir að fíkniefni fundust í fórum hans.

Meðal þeirra sem létu lífið þegar Zamora hóf skothríðina var aðstoðarlögreglustjóri bæjarins.

Lögreglan handtók Zamora þar sem hann ók á miklum hraða eftir hraðbraut frá smábænum. Íbúarnir eru harmi slegnir yfir atburðinum.