Sómalskir sjóræningjar tóku tvo franska ríkisborgara í gíslingu undan ströndum Sómalíu í gær. Mennirnir tveir voru á skútu þegar þeir voru teknir en ekki liggur fyrir hvort farið hafi verið fram á lausnargjald fyrir mennina.

Utanríkisráðuneyti Frakklands hefur lítið vilja gefa upp um til hvaða aðgerða verði gripið. Fyrr á þessu ári leystu frönsk stjórnvöld franska ríkisborgara úr höndum sjóræningja með valdi. 260 sjórán voru framin í heiminum á síðasta ári, þar af 30 undan ströndum Sómalíu.