Erlendur karlmaður á sjötugsaldri hefur verið úrskurðaður í tveggja vikna gæsluvarðhald eftir að hafa verið staðinn að smygli á talsverðu magni fíkniefna. Maðurinn flutti efnin til landsins í bíl með Norrænu.

Fíkniefnin fundust við tollafgreiðslu Norrænu í dag. Tollgæslumenn frá Eskifirði og úr Reykjavík auk lögreglumanna og tollgæslumanna á Seyðisfirði unnu að málinu í dag og voru fíkniefnahundar notaðir við leitina.

Málið virðist eiga sér nokkurn aðdraganda því hvort tveggja íslenska og færeyska tollgæslan hafa unnið að málinu.

Ekki fást upplýsingar um hversu mikið magn fíkniefna fannst í bílnum.