Áhrif auglýsinga á börn geta verið gríðarleg, eins og sést af dæminu um þriggja ára barnið sem öskraði "skítt með kerfið" lungann af sumrinu, eftir auglýsingaherferð Vodafone.

Auglýsingar hafa áhrif á alla sem þær sjá eða heyra. Góðar auglýsingar hreyfa við okkur, fá okkur til þess að langa, velja, hugsa, hlæja eða jafnvel reiðast. Þetta á jafnt við um börn sem fullorðna eins og greinarhöfundur Auglýsingalandsins sem birtist í tímaritinu Nýtt Líf bendir á, þriggja ára sonur hans hefur öskrað „skítt með kerfið“ í allt sumar eftir herferð Vodafone.
Í greininni Auglýsingalandið sem er farið yfir mátt auglýsinga og áhrif og siðferðileg mörk. En flestir álitsgjafar töldu auglýsingar ekki eiga erindi til barna.

„Börn eru ekki eiginlegir neytendur í þeim skilningi vegna þess að þau hafa ekki fjárráð eða þroska til að taka ákvarðanir um eigin neyslu,“ segir Ottó Tynes sem hefur lengi starfað við auglýsingagerð og er nú verkefnastjóri Rauða Krossins.

Í greininni er einnig farið yfir það hvernig mettur markaður kallar á nýjar leiðir og ágengari auglýsingar. Óhefðbundin nálgun vekur eftirtekt og eins geta umdeildar auglýsingar skilað góðum árangri líkt og þegar Lalli Johns sagði þjóðinni hvernig innbrjótsþjófar velja sér fórnarlömb fyrir Öryggismiðstöðina og bikiniklæddar stúlkur spókuðu sig á bakka Bláa Lónsins fyrir Pottþétt 31.
Þá veltir greinarhöfundur, Darri Johansen, því fyrir sér hvernig lífið væri án auglýsinga. Sennilega yrðum við að treysta á orðróm eða reynslu nágrannans til þess að vita hvaða matvöruverlsun byði lægsta verðið og gleyma að skila skattaskýrslunni á tíma.