Sandra Björg Ármannsdóttir, þriggja vikna gömul dóttir Ármanns Freys Hjelm og Hildar Óskar Víðisdóttur, bjargaði lífi foreldra sinna þegar hún vaknaði um miðja nótt. Kviknað hafði í út frá þurrkara í íbúðinni og var þvottahúsið orðið fullt af reyk.

Enginn reykskynjari var í íbúðinni og því er það ótrúleg mildi að ungbarnið vaknaði. „Ég get aldrei orðið jafn þakklátur henni og fyrir að hafa bjargað lífi okkar,“ segir pabbi hennar.