Rögnu Erlendsdóttur vantar um sjö milljónir króna til að standa straum af kostnaðinum við lífsnauðsynlega læknismeðferð á tveggja ára dóttur hennar, Ellu Dís. Hún er afar sár út í íslenskt heilbrigðiskerfi.

„Læknarnir hér heima gerðu mér það alveg ljóst að þeir væru ekki tilbúnir til að mæla með því við Tryggingastofnun að Ella Dís færi út. Ég ákvað það hins vegar á mínum eigin forsendum að hún færi myndi fara út, enda höfðu aðgerðirnar heima ekki skilað neinum árangri. Ég komst í samband við lækni í Bandaríkjunum sem sagði mér frá því að börn þyrftu ekki að fá ágenga meðferð, á borð við skurðaðgerðir til að geta andað sjálf,“ segir hún. Nánar í DV í dag.