Lögreglan á Selfossi segir að rannsókn sé nú langt komin á atburði í Adrenalíngarðinum þar sem Hafsteinn Gunnar Hauksson, nemi og sumarstarfsmaður DV, lenti í slysi í Adrenalíngarðinum um miðjan júlí. Þá féll hann úr tæki sem kallast Fljúgandi íkorninn, með þeim afleiðingum að hann þríbrotnaði.

„Ég er búinn að fara í skýrslutöku og mér skilst að rannsóknin sé á lokastigi. Eftir því sem ég kemst næst var ekki um refsivert athæfi að ræða svo ég þarf líklega að höfða einkamál til að fá bætur. Ég mun ráðfæra mig við lögfræðing á næstu dögum,“ segir Hafsteinn. Hann segist að mestu orðinn verkjalaus.