Lögreglan í Hafnarfirði stöðvaði tvo unga pilta á laugardagskvöldið þar sem þeir óku um miðbæinn og köstuðu eggjum í gangandi vegfarendur. Strákarnir eru aðeins sextán ára og því hvorugur með bílpróf.

Sá sem var farþegi í bílnum viðurkenndi að þeir hefðu verið að kasta eggjum en notaði það sér til málsbóta að þeir hefðu ekki hitt neinn. Kveikjuláslyklarnir voru teknir af þeim og telst málið vera upplýst.