Hanna Birna Kristjánsdóttir, borgarstjóri, og Óskar Bergsson, formaður borgarráðs, heimsóttu og heilsuðu upp á starfsmenn helstu starfssviða Reykjavíkurborgar í dag.

Fyrst var komið við á Mennta- og Leikskólasviði þar sem nóg var um að vera enda skólar borgarinnar að hefjast og starfsmenn sviðsins á önnum kafnir að gera allt klárt fyrir veturinn. Á menningar- og ferðamálasviði var ekki minna að gera Menningarnótt framundan.

Hvert sem komið var voru starfsmenn á fullu enda nóg af verkefnum í höfuðborginni, stærsta þéttbýlissvæði landsin. Hvert sem komið var tóku starfsmenn vel á móti nýjum borgarstjóra sem greinilega ætlar að láta hendur standa fram úr ermum.