„Stórasta land í heiminum,“

Ólafur Ragnar var drifinn í viðtal hjá Adolfi Inga eftir stórbrotinn sigur á Spáni.

Þar rifjaði hann upp afrek Vilhjálms Einarssonar og sagði að sigurinn sé stór stund í íþtróttasögunni.

„Að vera hér og horfa á þessa staðreynd að þetta lið komi með annað hvort gull eða silfur frá þessum Ólympíuleikum. Þessir strákar verðskulda sannkallaða þjóðhátíð.

Þetta er mikið afrek og svo mikið afrek að maður er ekki búinn að jafna sig. Fyrir þjóðina alla, þá er þetta stærsta afrek í íþróttasögunni.“

Ólafur sagði ennfremur að hann hefði heyrt að íþróttahreyfingin fyndist afrek íslands mikið og sterk skilaboð til íþróttahreyfingarinnar allrar. „Það er langur listi af þjóðum sem þeir eru búnir að leggja. Þetta verður með minnistæðustu tíðindum lýðveldisins. Ekki aðeins í íþróttasögunni heldur í sögu lýðveldisins.“

Stökk þá Dorrit fram á sjónarsviðið og eins og stundum bræddi hún hjarta þjóðarinnar með einni gullinni setningu. „Við erum ekki lítið land. Það er stórasta land í heiminum.“

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Mest lesið