Kristinn H. Gunnarsson, þingmaður Frjálslyndaflokksins krefur Þórunni Sveinbjarnardóttur, umhverfisráðherra um svör, í pistli sínum á heimssíðu sinni, vegna ákvörðunar hennar um heildarmat á fyrirhuguðum framkvæmdum við Bakka.

Kristinn spyr í grein sinni „Til hvers er þá verið að skylda framkvæmdaaðila að leggja út í verulegan kostnað við það að meira og minna endurtaka það sem þegar hefur verið gert? Þetta þarf að skýra frekar. Mér sýnist ólíklegt annað en að Landvernd, sem var kærandi í málinu, og aðrir sem eru framkvæmdunum andvígir, muni nýta hvern þann lagakrók til botns, sem ráðherrann réttir þeim með úrskurði sínum og tefja framgang málsins von úr viti.“

Í samtali við DV.is í morgun sagði Kristinn að það væri ósanngjarnt að þeir sem spili eftir leikreglum skuli nú lenda í íþyngjandi ákvörðun frá ráðherra.

Mikill þrýstingur er kominn á Þórunni Sveinbjarnardóttur og hafa þingmenn Sjálfstæðisflokksins meðal annars skotið hart að henni í dag. Ekki hefur náðst í Þórunni útaf málinu.