Um kvöldmatarleytið í gærkvöldi var ekið á 6 ára dreng við tjaldstæðið að Hömrum og var hann fluttur á Sjúkrahús Akureyrar til aðhlynningar. Ekki er talið að um alvarleg meiðsl sé að ræða.

Ýmis verkefni féllu inn á borð lögreglunnar á Akureyri nú í upphafi Verslunarmannahelgarinnar.

Mikið eftirlit var með umferð til og frá bænum og hafði lögreglan afskipti af níu ökumönnum sem óku of geyst. Sá sem hraðast ók mældist á 142 km hraða um Öxnadal. Sá hafði skömmu áður en hraði hans var mældur ekið fram úr ómerktri lögreglubifreið á mikilli ferð sem síðan mældi hraða hans og hafði afskipti af honum.

Þrír aðilar gistu fangageymslur í nótt sökum ölvunar. Þetta kemur fram í dagbók lögreglunnar á Akureyri.