Glamúr-rokkarinn Gary Glitter verður sleppt úr fangelsi í Víetnam 19. ágúst en hann var dæmdur í þriggja ára fangelsi fyrir að hafa stundað kynferðislegt athæfi með tveimur stúlkum undir lögaldri.

Chu Xuan Mau, yfirmaður í Z3OD fangelsinu sem Glitter situr í, segir að samkvæmt lögum landsins verði hann leystur úr haldi þann 19 ágúst. Glitter hefur áður setið inni en hann var í fangelsi í Bretlandi fyrir eign á barnaklámi.