Foreldrasamtök gegn áfengisauglýsinum opnuðu heimasíðu í dag þar sem meðal annars verður aðgengilegt kæruform þar sem hægt verður að senda inn á einfaldan hátt kærur vegna brota á banni við áfengisauglýsingum.

Hvetja foreldrasamtökin fólk eindregið til að notfæra sér þann möguleika þar sem áfengisauglýsingar séu boðflennur í tilveru barna og unglinga sem þau eigi lögum samkvæmt að vera laus við.

„Á meðan lögin eru ekki virt þá hvetja foreldrasamtök gegn áfengisauglýsingum alla þá fjölmörgu sem bera hag barna og unglinga fyrir brjósti sér að liggja ekki á liði sínu,“ segir meðal annars í tilkynningu frá samtökunum.

Vefslóð síðunnar er www.foreldrasamtok.is