Kostian Kristo, sem talinn er albanskur ríkisborgari, var í gær dæmdur í 30 daga fangelsi í Héraðsdómi Reykjavíkur fyrir brot gegn lögum um útlendinga með því að hafa haft í vörslu sinni falsað vegabréf, sem lögregla fann við leit í farangri ákærða.

Reyndist vegabréfið stílað á mann að nafni Flamur Shkrepi.

Kristo játaði brot sitt afdráttarlaust og var dæmdur í 30 daga fangelsi, en með vísan til eðlis brotsins og hliðsjón af almennum varnaðaráhrifum refsinga var ákveðið að skilorðsbinda ekki dóminn í Héraðsdómi Reykjavíkur í gær.