Stórleikarinn, leikstjórinn og golfarinn Mel Gibson átti vondan dag á golfvellinum við Urriðaholt á sunnudaginn. Þar sló hann meðal annars út í röffið. Leikarinn hefur farið víða um helgina en það var enginn annar en tónlistarmaðurinn Hafþór Ólafsson, annar liðsmanna Súkkats, sem eldaði kvöldverð fyrir ástralska ofurleikarann á laugardagskvöldinu.

Ástralski stórleikarinn Mel Gibson, sem meðal annars hlaut óskarsverðlaun fyrir leikstjórn stórmyndarinnar Braveheart, fór í golf á sunnudaginn og gekk nokkuð illa. Þá lék hann átján holur á Urriðavellinum í Heiðmörk en sá völlur er talinn sá glæsilegasti hér á landi. Með Gibson í för voru synir hans tveir en þeir fengu eigin golfvagn til þess að fylgja föður sínum eftir. Þegar ljósmyndari DV kom á svæðið gekk Gibson illa, hann skaut af vellinum og út í röffið, eins og það er kallað þegar golfarar skjóta út fyrir brautina. Eftir nokkrar misheppnaðar sveiflur gafst hann upp og hélt á brott ásamt fylgdarliði.

Allt um Íslandsheimsókn Stórleikarans mel Gibson í DV í dag