Súlur, björgunarsveitin á Akureyri var kölluð út fyrr í dag vegna manns sem fór úr axlarlið þegar hann var á ísklifurnámskeiði við Einhamar í Hörgárdal. Um 15 björgunarsveitarmenn fóru á staðinn og var notuð dráttarvél til að koma manninum yfir mestu ófærurnar og á sem var á leiðinni.

Það gekk greiðlega að koma manninum niður og í sjúkrabíl sem flutti hann á sjúkrahús á Akureyri.

Þetta kemur fram í tilkynningu frá Landsbjörgu.