Björgvin G. Sigurðsson, ráðherra bankamála, viðurkennir að hann hafi ekki komið að þroti Glitnis fyrr en síðdegis sunnudaginn 28. september. Þorsteinn Már Baldvinsson, formaður bankaráðs gamla Glitnis hafði samband við Davíð Oddsson, seðlabankastjóra, vegna láns til þrautavara 25. september, eða þremur dögum áður.

Björgvin gagnrýndi málsmeðferðina í þætti Björns Inga Hrafnssonar á Stöð 2 í dag þar sem hann sat fyrir svörum. Björgvin sagði að hann hefði komið nánast að frágengnum hlut þennan umræddan sunnudag og taldi óeðliegt að ríkisstjórnin öll skyldi ekki hafa verið kölluð saman vegna málsins. Rannsóknin á Glitnismálinu væir einn mikilvægast þáttur rannsóknarinnar á bankahruninu.