„Þetta hefur staðið til lengi, það stóð upphaflega til að ég yrði skírður þessu nafni,“ segir Jakob Falur Kristinsson, 58 ára fyrrverandi vélstjóri og útgerðarmaður. Jakob breytti nýlega nafninu sínu, en hann hét áður Jakob Kristinson. Hann segir að honum hafi alltaf langað til að heita nafninu Falur.„Mér varð það á síðastliðið sumar að byrja að nota þetta nafn áður en Þjóðskrá hafði breytt því og urðu af því smá leiðindi,“ segir Jakob Falur.

Jakob Falur er þó ekki eini Jakob Falur á Íslandi. „Ég ætla að vona að þótt ég sé kominn með þetta nafn, þá fari fólk ekki að rugla mér sama við frænda minn sem heitir sama nafni en hann er Garðarsson en ég er Kristinsson.“ Hann segir að hann hafi ekki borið nafnabreytinguna undir frænda sinn. „Ég talaði við hann í síma og sagði honum frá því að ég væri búinn að breyta um nafn, ég veit ekki hvað honum finnst um það.“

Hann segir ferlið hafa gengið fljótt fyrir sig. „Ég sótti um það og það tók í kringum tvær vikur að breyta því, það var fyrsta desember sem nafnið var löglegt,“ segir Kristinn. Hann kvíður því þó ekki að fólk byrji að kalla hann Jakob Fal í stað Jakobs, það muni venjast fljótt. Hann segir debetkort, vegabréf og alls konar persónuskilríki muni breytast sjálfkrafa og mun hann fá þau send heim í pósti.