Árni M. Mathiesen fjármálaráðherra er efstur í netkosningu um versta bankamann heimsins. Árni er með 33,86 % atkvæða en Alan Greenspan fyrrum seðlabankastjóri Bandaríkjanna er í öðru sæti með 19,24 % atkvæða.

Það er vefsíðan Huffington Post sem sem stendur að kosningunni sem var gerð eftir að grein Daniel Gross birtist í tímaritinu Newsweek sem fjallaði um sama viðfangsefni.

Í athugasemdakerfinu á síðunni eru margir sem vilja sjá, Hreiðar Má, Lárus Welding og Sigurð Einarsson tilnefnda sem versta bankamann heims í stað ráðherrans. Einn maður sem kallar sig Magnus Thor skrifar: „Davíð Oddson, seðlabankastjóri, er lang versti bankamaður fyrr og síðar.“

Hægt er að kjósa með því að klikka hér.