Karlmaðurinn sem brenndist í brunanum í fjölbýlishúsi í Álftamýri liggur alvarlega slasaður og sofandi í öndunarvél á gjörgæslu Landspítalans. Konan sem meiddist einnig var í stuttu eftirliti á bráðamóttöku spítalans en líður ágætlega eftir atvikum, að sögn vakthafandi læknis.

Tilkynnt var um brunann um klukkan 13 í dag eftir að eldur hafði komið upp í fjölbýlishúsi í Álftamýri 16 í Reykjavík.

Stigahúsið var fullt af reyk og var það reykræst í dag. Það fóru þrír dælubílar, þrír sjúkrabílar og körfubíll á staðinn.