Dorrit tók við hálsmeni fyrir hjartveika

Mynd: Róbert Reynisson

„Þetta er mjög gott fyrir Neistann,“ segir Dorrit Moussaieff, forsetafrú, en hún tók við fyrsta eintakinu af Hjartarfinum sem er silfurskartgripur sem seldur verður til styrktar Neistanum, styrktarfélagi hjartveikra barna. Eggert Pétursson listmálari teiknaði gripinn og Sif Jakobs, skartgripahönnuður, hannaði hann. Fyrsta eintakið var afhent í verslun Leonard í Kringlunni í dag þar sem gripurinn verður seldur.

Forsetafrúin sagði í viðtali við blaðamann DV að gripurinn væri rosalega fallegur. Hún hyggst reyna að koma honum í sölu erlendis líka. „Já, það er alveg sjálfsagt, ég reyni að selja allt sem ég get fyrir landið,“ segir Dorrit.

Fyrirmynd gripsins er sóttur í íslenska náttúru og fæst einungis í verslun Leonard í Kringlunni og Leifsstöð. Hálsmenið kostar 9.500 krónur og rennur allur ágóði til Neistans.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.