Poppsérfræðingurinn Dr. Gunni stendur fyrir kosningu um bestu plötur ársins á heimasíðu sinni this.is/drgunni. Seinni part föstudags stóð toppbaráttan milli Emilíönu Torrini og Sigur Rósar en úrslit verða kynnt á laugardag.

Emilíana er með 262 atkvæði en Sigur Rós 231. Plötur beggja aðila hafa fengið frábæra dóma í miðlum erlendis. Á eftir Emilíönu og Sigur Rós komu svo nýliðarnir í FM Belfast með 168 atkvæði en um tæplega 2.000 manns höfðu þá kosið.