Eins og í fyrri nótt var nóttin í nótt með rólegasta móti hjá lögregluembættum víða um land. Mikil ölvun var í miðborg Reykjavíkur og talsverður erill hjá lögreglunni, en engin alvarleg tilvik. Ung stúlka var flutt á sjúkrahúsið á Akureyri rétt eftir miðnætti í gærkvöldi eftir bílveltu í Öxarfirði.

Að sögn lögreglunnar á Húsavík voru tvær stúlkur í bílnum, og missti ökumaður bifreiðarinnar stjórn á bílnum svo önnur stúlkan kastaðist út úr bílnum við veltuna. Hún er ekki talin vera mikið slösuð.