Af 41 hrossi hafa 21 drepist vegna salmonellusýkingar sem hefur geisað á stóði á Kjalarnesi. Sýkingin gerði fyrst vart við sig í byrjun vikunnar. Mörg hross eru ennþá mjög veik og eru horfurnar ekki góðar. Það mun skýrast á næstu tveimur sólarhringum hvort sýkingin nær að fella fleiri hross, sex hross eru nú sýkt.

Sýkingarinnar varð vart á sunnudag er dauður hestur fannst í hjörð sem var á útigangi við Kjalarnes. Strax var athugað með restina af hjörðinni og kom þá í ljós að hestarnir voru flestir veikir. Hrossin voru þá flutt í hús í Mosfellsbæ þar sem hlúð hefur verið að þeim síðan þá.

Uppruni sýkingarinnar er óljós en talið er að hrossin hafi sýkst af fóðri eða vatni.