Nóttin var víðast hvar róleg í nótt samkvæmt lögregluembættum landsins. Mikið af fólki var að skemmta sér en fór allt friðsamlega fram. Í Vesturbæ Reykjavíkur var brotist inn á veitingastað og hárgreiðslustofu og stolið litlu magni af peningum, þá voru þrír teknir fyrir ölvunarakstur í Reykjavík í nótt.

Maður á fertugsaldri gisti fangageymslu á Húsavík í nótt vegna gruns um líkamsárás. Málið er í rannsókn hjá lögreglunni á Húsavík en tekin var skýrsla af þeim grunaða í morgun og er hann nú frjáls ferða sinna. Fórnalambið gisti ekki á slysastofu og er lítilsháttar meiddur að sögn lögreglunnar.

Tveir gistu fangageymslur lögreglunnar á Suðurnesjum í nótt. Annar maðurinn fannst ofurölvi fyrir aftan skemmtistað við Hafnargötuna en hinn hvar handtekinn fyrir ölvun og óspektir og hafa brotið rúðu á veitingastað við Hafnargötuna. Annars var nóttin nokkuð róleg, samkvæmt dagbók lögreglu.