Í ár verður hægt að sprengja upp útrásarvíkingana og stjórnmálamennina í formi flugelda. Fjórar nýjar tertur eru í boði á flugeldamarkaði björgunarsveitanna sem mun hefjast á morgun, sunnudag. Víkingatertan, er skreytt með mynd af útrásarvíkingum landsins. Bankatertan, með bankamönnum, Stjórnmálatertan, með stjórnmálamönnum og Íslandstertan, með íslenskum almenningi.

Allar myndirnar eru teiknaðar af Halldóri Baldurssyni.

Flugeldamarkaðir björgunarsveitanna á 112 stöðum um allt land og sem fyrr er úrvalið mikið. Í tilkynningu frá björgunarsveitinni segir að í því ástandi sem nú ríkir er afar mikilvægt að styðja vel við bakið á björgunarsveitunum enda hefur útköllum fjölgað mikið undanfarin á og eru nú um 1500 á ári. Flugeldasalan er stærsta og um leið mikilvægasta fjáröflun björgunarsveitarinnar enda er kostnaðurinn mikill.