Hátíðartónleikar með fjórum af ástsælustu tenórum þjóðarinnar fara fram í Íslensku óperunni 18. og 21. desember. Tenórarnir eru Snorri Wium, Jóhann Friðgeir Valdimarsson, Gissur Páll Gissurarson og Garðar Thór Cortes. Þeir tveir fyrrnefndu hafa komið fram undir merkjum „Tenóranna þriggja“ en Gissur og Garðar syngja nú í fyrsta skipti með „Tenórunum“. Á tónleikunum verða fluttar nokkrar af vinsælustu tenóraríum óperubókmenntanna, söngleikjatónlist og að sjálfsögðu hátíðleg jólalög. Miðasala fer fram á opera.is.