Magnús Stephensen getur brosað í gegnum tárin, eftir að fyrirtækið XL Leisure Group fór í þrot, en hann var þar aðstoðarforstjóri. Magnús gekk nefnilega í það heilaga á dögunum með flugfreyjunni Bergljótu Þorsteinsdóttur.

Séð & heyrt greinir frá brúðkaupi Magnúsar og Bergljótar í nýjasta tölublaði sínu. Bergljót hefur starfað sem flugfreyja og menntaður ljósmyndari. Sjálfur sér Magnús tækifæri eftir gjaldþrotið mikla, sem leiddi til atvinnumissis sautján hundruð manns. Hann ætlar að eyða meiri tíma með konu sinni og börnum.

Nánar er fjallað um brúðkaupið og hjónin í Séð & heyrt, en þau komu akandi í glæsilegum svörtum Range Rover í brúðkaupið.