Ólafur Arnalds lýkur sex mánaða tónleikaferðalagi sínu um Evrópu og Norður-Ameríku með tónleikum í Fríkirkjunni í kvöld. Sérstakur gestur á tónleikunum er Ólöf Arnalds.

Á tónleikaferðinni hefur Ólafur, ásamt strengjakvartett og fylgdarliði, leikið á 137 tónleikum í yfir tuttugu löndum, meðal annars í Barbican Hall í London, fjölda tónlistarhátíða auk þess að hita upp fyrir Sigur Rós á nokkrum tónleikum sveitarinnar í Evrópu.

Miðaverð er aðeins þúsund krónur í forsölu og síðdegis í gær voru enn til miðar í forsölu á midi.is og í verslunum Skífunnar. Tónleikarnir hefjast klukkan 20.