Jóhanna Sigurðardóttir, félags- og tryggingamálaráðherra, hefur ákveðið að senda ekki jólakort með kveðjum ráðherra og starfsfólks ráðuneytisins að þessu sinni en verja þess í stað fjárhæð sambærilegri hefðbundnum jólakortasendingum til velferðarmála. Fjárhæðinni, 250.000 krónum, verður varið til að styrkja Einstök börn, stuðningsfélag barna með sjaldgæfa og alvarlega sjúkdóma.

Í tilkynningu frá félagsmálaráðuneytinu segir að um leið og Jóhanna tilkynnir um þessa ráðstöfun vill hún nota tækifærið og þakka félagasamtökum, stofnunum og öðrum samstarfsaðilum ráðuneytisins fyrir einstaklega gott samstarf á árinu sem er að líða og óska þeim og landsmönnum öllum farsældar og gleðilegra jóla.