„Framvindan efnahagslífsins er í samræmi við áætlun stjórnvalda og Alþjóðagjaldreyissjóðsins. Tekist hefur að koma jafnvægi á krónuna, en það má rekja til skynsamlegrar peningamálastefnu,“ segir Poul Thomsen, formaður sendinefndar Alþjóðagjaldeyrissjóðsins, en hann er staddur hér á landi til þess að fara yfir framvindu mála í kjölfar bankahrunsins. Haldi fram sem horfir verði unnt að afnema gjaldeyrishöft og lækka stýrivexti þrep fyrir þrep samkvæmt áætlun og jafnvel fyrr.

„Okkur líst einnig vel á framkvæmd efnahagsstefnunnar. Drög að fjárlögum fyrir næsta ár er í samræmi við áætlun okkar. Stjórnvöld haf ítrekað að þau ætli að fylgja styrkri fjármármálastefnu næstu misserin og leggja drög á næstunni að því að ná því markmiði.“

Thomsen víkur einnig að ákvæðum í samningi AGS og stjórnvalda um endurreisn fjármálakerfisins og segir að lykilvinnan sé þeim efnum sé framundan. Unnið verði með lánardrottnum gömlu bankanna og eignir verði metnar, en slíkt sé undirstaða þess að geta lokið endurfjármögnun bankanna á fyrst ársfjórðungi næsta árs.

Sendinefnd AGS verður aftur á ferðinni hér á landi snemma í febrúar, en þá verður lagt formlegt mat á framvindu áætlunarinnar sem um samdist milli sjóðsins og stjórnvalda.