Í neyð verður flest að vopni og sannaðist það í Miramar á Flórída í Bandaríkjunum. Vopnaðir menn veittust að Eric Lopez Devictoria, pítsusendli þar í borg, þegar hann var að sinna starfi sínu í mestu makindum.

Devictoria dó þó ekki ráðalaus og greip til þess sem var hendi næst sem var stór, rjúkandi heit pepperónípítsa. Hann þeytti pítsunni í einn ræningjanna og tók síðan á rás. Einu skoti var hleypt af, en Devictoria komst undan heill á húfi. Ræningjarnir voru handteknir skömmu síðar.